Kata Pengantar pada Seri Bahasa Sasak

Bismillahirrahmaanirrahiim

Assalamu’alaikum warohmatullahi wabarokatuh

Tiang matur puji syukur tipaq de side Allah saq Maha Kuase, saq sampun beng tiang kesehatan sampai tiang bau selesean tulisan niki. Nenten tiang lupaq sempait salam tipaq Nabi Muhammad sallallahu’alaihi wasallam saq wah bukaq otak manusie saq jari tetu-tetu manusie tulen.

Lekan tulisan niki tiang nyobaq “pancing” pembeleq-pembeleq saq araq leq gumi selaparang niki adeqn saq piaq dokumentasi base sasak selapuq logat saq araq leq gumi paer tiang pelungguh niki. Sengaq jaman mangkin batur-batur bajang saq leq gumi selaparang niki sebagian sampun lupaq base mesaq saq wah jari pengadeq-adeq dengan toaq.  

Tulisan tiang niki tiang isiq siq kosa kata base sasak, sasak alus, istilah-istilah saq araq leq base sasak dait sekediq conto pengeraosan. Tepiaq adeqn saq bau jari penginget tiang pelungguh selapuq tentang bahase sasak niki, adeqn saq ndaq jari sesel mudi.

Tiang cobaq nulis kadu telu base (Sasak, Indonesia, Inggris) dait sekediq aturan adeqn saq kenaq-kenaq unin tebace.

Lekan tulisan niki tiang sampean matur tampiasih saq beleq-beleq tipaq selapuq batur saq tulung tiang, dengan-dengan toaq saq araq leq Gubuk Bongkem.

Tiang nunas ampure mun araq isi tulisan atawe ntan tiang saq ndeq onyaq saq piaq pelungguh deq demen.

Tiang antos saran pelungguh adeq tiang piaq jari perajahan sang tiang bau kerisaq isi tulisan niki leq kesempatan saq lain.

Februari 2014

Murdiah Lombok